50 फूट उंचीच्या धम्म ध्वजाचा ध्वजारोहण समारंभ थायलंड व भिक्खू संघाची राहणार उपस्थिती : डॉ. सिध्दार्थ हत्तीअंबिरे 

परभणी (प्रतिनिधी) : जागतिक धम्म ध्वज दिनाचे औचित्य साधून 8 जानेवारी रोजी सकाळी 11 वाजता इंद्रायणी माळ मांडाखळी परिसरात नियोजित महविहाराच्या 10 एकर जागेवर 50 फूट उंचीच्या धम्म ध्वजाच्या ध्वजारोहन समारंभाचे आयोजन करण्यात आले आहे, अशी माहिती महाराष्ट्र प्रदेश काँग्रेसच्या अनुसूचित जाती विभागाचे अध्यक्ष तथा कार्यक्रमाचे आयोजक सिध्दार्थ हत्तीअंबीरे यांनी दिली.
यावेळी उदघाटक म्हणून थायलंड येथील भदंत फ्रा. पट्टरघुन कृदांग, प्रमुख उपस्थिती म्हणून सिने अभिनेता डॉ. गगन मलीक, आमदार राजेश विटेकर, भदंत डॉ. उपगुप्त महाथेरो, भदंत मुदितानंद थेरो, भदंत मोगलायन, डॉ. सिध्दार्थ भालेराव, कुणाल कांबळे मुंबई यांची उपस्थिती राहणार आहे. या कार्यक्रमास परिसरातील उपासक – उपासिका यांनी उपस्थित रहावे, असे आवाहन आयोजक डॉ. हत्तीअंबिरे व समन्वय समितीच्या वतीने करण्यात आले आहे.