परभणी (प्रतिनिधी) – राष्ट्रीय एकता दिवस आणि सरदार वल्लभभाई पटेल यांच्या 150 व्या जयंतीनिमित्त भारतीय जनता पार्टी परभणी महानगर यांच्या वतीने छत्रपती शिवाजी महाराज स्मारक येथे भव्य कार्यक्रमाचे आयोजन करण्यात आले. कार्यक्रमाची सुरुवात पालकमंत्री मा.ना.सौ. मेघनादीदी बोर्डीकर, मा. मंत्री सुरेशराव वरपूडकर, भाजपा परभणी महानगर जिल्हाध्यक्ष. शिवाजीराव भरोसे, भाजपा ग्रामीण जिल्हाध्यक्ष. सुरेश भुमरे, डॉ. केदार खटिंग आणि सौ. प्रेरणाताई वरपूडकर यांच्या हस्ते गोमाता पूजनाने करण्यात आली. यानंतर उपस्थित मान्यवरांच्या हस्ते “रन फॉर युनिटी” या पदयात्रेला प्रारंभ झाला. छत्रपती शिवाजी महाराज स्मारक येथून निघालेल्या या यात्रेचा समारोप गांधी पार्क येथे झाला. या पदयात्रेत हजारो परभणीकरांनी उत्साहाने सहभाग घेत, राष्ट्रीय एकता, अखंडता आणि…
Author: Lok Sanchar
परभणी, (प्रतिनिधी) : रस्त्यावरील खड्डे व उघड्या गटारांमुळे (मॅनहोल) झालेल्या मृत्यू वा दुखापतीच्या घटनांबाबत आता पीडितांना आर्थिक मदतीचा दिलासा मिळणार आहे. मा. उच्च न्यायालय, मुंबई येथे दाखल पीआयएल क्र. ७१/२०१३ (PIL No. 71/2013) मधील मा. न्यायालयाचे आदेशानुसार रस्त्यावरील खड्डे व उघड्या गटारांमुळे (मॅनहोल) झालेल्या मृत/दुखापग्रस्त व्यक्ती/कायदेशीर वारसांना दुखापतीच्या प्रकरणात ५०,००० ते २,५०,००० व मृत व्यक्तीच्या बाबतीत ६,००,००० रुपये भरपाई देणे संदर्भात नागरी क्षेत्रामध्ये संबधीत नागरी स्थानिक स्वराज्य संस्थेचे आयुक्त/मुख्याधिकारी व बिगर नागरीक्षेत्राच्या बाबतीत जिल्हाधिकारी यांचे अध्यक्षतेखाली समिती स्थापन करण्यात आली असुन अशी घटना घडल्यास संबधीतांनी तात्काळ समितीकडे संपर्क करावा, असे आवाहन जिल्हाधिकारी संजयसिंह चव्हाण यांनी केले आहे. ***
जिल्हा पोलीस अधीक्षक रवींद्रसिंह परदेशी व अभिनेते अनिल मोरे यांची प्रेरणादायी उपस्थिती परभणी (प्रतिनिधी) वसंतराव नाईक मराठवाडा कृषि विद्यापीठ, परभणी अंतर्गत कृषि महाविद्यालय, परभणी येथे आंतरमहाविद्यालयीन युवक महोत्सव निवड चाचणी “कृषितरंग – २०२५” या उपक्रमाचे भव्य आयोजन दिनांक २९ ऑक्टोबर २०२५ रोजी कृषि महाविद्यालय सभागृहात करण्यात आले. या सोहळ्यासाठी अध्यक्ष व उद्घाटक माननीय कुलगुरू प्रा. (डॉ.) इन्द्र मणि हे ऑनलाईन उपस्थित होते. कार्यक्रमास, जिल्हा पोलीस अधीक्षक माननीय श्री. रवींद्रसिंह संतोषसिंह परदेशी (भा.पो.से.), तसेच माजी सनदी अधिकारी व प्रसिद्ध सिनेअभिनेता माननीय श्री. अनिल मोरे, अस्थी रोग तज्ज्ञ डॉ केदार खटिंग हे प्रमुख पाहुणे म्हणून उपस्थित होते. यावेळी शिक्षण संचालक डॉ. भगवान…
परभणी, (प्रतिनिधी) परभणी शहरातील एका ३८ वर्षीय गर्भवती महिलेची गंभीर वैद्यकीय परिस्थितीत आमदार डॉ.राहुल पाटील यांच्या आर.पी हॉस्पिटलच्या तत्पर वैद्यकीय सेवेमुळे तिला जीवनदान मिळाले आहे. या महिलेच्या गर्भातील बाळ मृत झाल्याने तिला अतिरिक्त रक्तस्राव आणि वाढलेला रक्तदाब यांसारख्या गंभीर समस्यांना सामोरे जावे लागले.यावर मात करत आर.पी हॉस्पिटलने महिलेचा जिव वाचवला. गरोदरपणाचे नऊ महिने पूर्ण झाल्याने तिची परिस्थिती आणखीनच नाजूक बनली होती. परभणी शहरातील विविध दवाखान्यांमध्ये उपचारासाठी गेल्यावरही तिला कोणत्याही हॉस्पिटलने दाखल करून घेतले नाही. स्थानिक डॉक्टरांनी तिला नांदेड येथील रुग्णालयात जाण्याचा सल्ला दिला होता. अखेर, ही महिला परभणीतील आर.पी हॉस्पिटलमध्ये दाखल झाली, जिथे तिच्यावर तातडीने उपचार सुरू करण्यात आले. आर.पी…
परभणी,(0प्रतिनिधी) : नर्सिंग क्षेत्रातील विद्यार्थ्यांचे भवितव्य अत्यंत उज्ज्वल आहे. भारताबरोबरच युरोप, अमेरिका तसेच संपूर्ण जगभर नर्सेससाठी रोजगाराच्या असंख्य संधी उपलब्ध आहेत. वैद्यकीय क्षेत्रात डॉक्टरांनंतर नर्सेसचे योगदान सर्वाधिक महत्त्वाचे असून, विशेषतः कोरोना काळात त्यांच्या सेवाभावी भूमिकेचे मोल समाजाने अनुभवले आहे, असे प्रतिपादन डॉ. प्रफुल्ल पाटील यांनी केले. परभणी येथील पाथरी रस्त्यावरील डॉ. प्रफुल्ल पाटील शैक्षणिक व रुग्णालय संकुलात बी.एस्सी. नर्सिंग (60 विद्यार्थी) आणि जी.एन.एम. नर्सिंग (40 विद्यार्थी) या अभ्यासक्रमांतील नवप्रवेशित विद्यार्थ्यांचे गुलाबपुष्प देऊन स्वागत करण्यात आले. कार्यक्रमाची सुरुवात संस्थेचे संस्थापक अध्यक्ष डॉ. प्रफुल्ल पाटील व संस्थेच्या सचिव डॉ. सौ. विद्याताई प्रफुल्ल पाटील यांच्या शुभहस्ते दीपप्रज्वलनाने झाली. यावेळी अध्यक्षीय भाषणाप्रसंगी बोलतांना डॉ.…
परभणी,(प्रतिनिधी) : दरवर्षीप्रमाणे याहीवर्षी लाच लुचपत प्रतिबंधक विभागातर्फे 27 ऑक्टोंबर ते 2 नोव्हेंबर या दरम्यान दक्षता जनजागृती सप्ताह साजरा करण्यात येणार असून दक्षता आपली सामुदायिक जबाबदारी या संकल्पनेतून या सप्ताहात या खात्याद्वारे उपक्रम राबविण्यात येणार आहेत. सोमवार 27 ऑक्टोंबर रोजी या सप्ताहास प्रारंभ करण्यात आला. सर्व सरकारी, निमसरकारी कार्यालयात भ्रष्टाचार निर्मूलनाबाबत शपथ घेवून मुख्यमंत्री यांचा संदेश वाचनाचा कार्यक्रम आयोजित करण्यात आला. तसेच गर्दीच्या ठिकाणी, पोस्टर्स, बॅनर्सद्वारे जनजागृती सुरु करण्यात आली. बुधवारी संपूर्ण जिल्ह्यात ग्रामीण रुग्णालय, भूमिअभिलेख कार्यालय, पंचायत समिती, पोलिस ठाणे, न्यायालय, बांधकाम विभागाचे कार्यालय, वीज वितरण कंपनी कार्यालय यासह बाजार, बसस्थानक आदी सार्वजनिक ठिकाणी भ्रष्टाचार निर्मूलना संदर्भात पोस्टर्स व…
परभणी (प्रतिनिधी) राज्य क्रीडा व युवक सेवा संचालनालय महाराष्ट्र राज्य अंतर्गत मा.उपसंचालक ,संभाजी नगर विभाग यांच्या निर्देशानुसार पार पडलेल्या विभागीय 14 वर्ष *मुले-मुली खो- खो स्पर्धेत* *बाल विद्यामंदिर प्रशालेच्या* *दोनही संघाने* निर्विवाद वर्चस्व गाजवून राज्यस्तरीय स्पर्धेसाठी निवड झाली आहे. सदरील स्पर्धा शिवाजी महाविद्यालय,परभणी या ठिकाणी दि.26 ऑक्टोम्बर रोजी संपन्न झाली.छत्रपती संभाजी नगर,बीड,जालना, आणि हिंगोली जिल्ह्याचा समावेश होता. सदरील स्पर्धा अतिशय चुरशीच्या झाल्या,यामध्ये 14 वर्ष मुलींच्या संघाने जालना संघाला पराभूत करून बाजी मारली,तर मुलांच्या 14 वर्ष वयोगटात मुलांचा अंतिम सामना छत्रपती संभाजी नगर संघासोबत होऊन आपले वर्चस्व सिध्द केले .प्रशालेचे दोनही संघ राज्यस्तरीय स्पर्धेसाठी पात्र ठरले आहेत. बाल विद्यामंदिर शिक्षण संस्थेचे…
परभणी (प्रतिनिधी) – सदरदार वल्लभभाई पटेल यांच्या १५० व्या जयंतीनिमित्त राज्यभर आयोजित ‘एकता दौड – Run For Unity’ या भव्य कार्यक्रमाच्या नियोजनासाठी भारतीय जनता पार्टी परभणी महानगर व जिल्हा पदाधिकाऱ्यांची नियोजन बैठक आज परभणी येथे पार पडली. ही बैठक भाजपा परभणी महानगर कार्यालय, वसमत रोड येथे जिल्हाध्यक्ष श्री. शिवाजी शेषरावजी भरोसे यांच्या अध्यक्षतेखाली झाली. बैठकीस प्रदेश व जिल्हा पदाधिकारी, मंडळाध्यक्ष, तसेच विविध मोर्चे व आघाड्यांचे पदाधिकारी उपस्थित होते. बैठकीदरम्यान ३१ ऑक्टोबर २०२५ रोजी सकाळी ९ वाजता छत्रपती शिवाजी महाराज पुतळा ते गांधी पार्क, परभणी दरम्यान होणाऱ्या ‘एकता दौड’ कार्यक्रमाच्या आयोजनाबाबत सविस्तर चर्चा करण्यात आली. कार्यक्रमाच्या नियोजनाची रूपरेषा, जबाबदाऱ्यांचे वाटप, तसेच…
परभणी (प्रतिनिधी) स्थानिक स्वराज्य संस्थेची निवडणूक ही कार्यकर्त्यांची आहे. कार्यकर्त्यांच्या निवडणुकीत मी तन-मन धनाने त्यांच्यासोबत खंबीरपणे उभा राहणार आहे. सर्व मतभेद विसरून एकजुटीने या निवडणुकीत आपल्या पक्षाची ताकद दाखवावी असे आवाहन आ.डॉ. राहुल पाटील यांनी केले. स्थानिक स्वराज्य संस्थेच्या निवडणूक संदर्भात आ.डॉ.राहुल पाटील यांच्या उपस्थितीत आढावा बैठक पार पडली. या बैठकीला मतदारसंघातील सर्व प्रमुख पदाधिकारी व कार्यकर्ते उपस्थित होते. यावेळी बोलताना आमदार पाटील म्हणाले माझ्या निवडणुकीत जीवाचं रान करणाऱ्या कार्यकर्त्यांची निवडणूक आता होणार आहे. त्यामुळे मी देखील त्यांच्या निवडणुकीसाठी अहोरात्र काम करून त्यांना विजय मिळवून देणार तन-मन-धनाने कार्यकर्त्यांच्या पाठीशी उभा राहणार, कार्यकर्ता ताठ मानेने जगला पाहिजे, तो सक्षम झाला पाहिजे…
परभणी (प्रतिनिधी) भारतीय जनता अनुसूचित जाती मोर्चा परभणी महानगर जिल्हाध्यक्ष श्री. सुमित भालेराव यांच्या जनसंपर्क कार्यालयाचे उद्घाटन कारेगाव रोड परिसरात मोठ्या उत्साहात पार पडले. या उद्घाटन सोहळ्याला पालकमंत्री मा. मेघनादीदी बोर्डीकर यांच्या शुभहस्ते व भाजपा परभणी महानगर जिल्हाध्यक्ष शिवाजी भरोसे यांच्या प्रमुख उपस्थितीत कार्यक्रमाचे आयोजन करण्यात आले. यावेळी भाजपा पदाधिकारी, कार्यकर्ते व नागरिक मोठ्या संख्येने सहभागी झाले होते.मान्यवरांनी आपल्या मनोगतात सांगितले की, हे जनसंपर्क कार्यालय जनतेशी थेट संवाद साधण्यासाठी प्रभावी व्यासपीठ ठरेल. नागरिकांच्या अडचणींचे त्वरित निराकरण करण्यासोबतच शासकीय योजना, विकासकामे आणि उपक्रमांची माहिती लोकांपर्यंत पोहोचविण्याचे महत्त्वाचे केंद्र ठरेल, असा विश्वास त्यांनी व्यक्त केला. या प्रसंगी कार्यकर्त्यांनी श्री. सुमित भालेराव यांचे…