Author: Lok Sanchar

सेलू,(प्रतिनिधी) : सेलू कृषी उत्पन्न बाजार समितीचे सभापती डॉ. संजय रोडगे यांच्या मार्गदर्शनाखाली रवळगाव जिल्हा परिषद सर्कलमध्ये आयोजित ‘आई महोत्सवा’अंतर्गत महिलांसाठी मंठा देवी दर्शन उपक्रम राबविण्यात येत आहे. या उपक्रमाला महिलांचा उत्स्फूर्त प्रतिसाद मिळत असून, डीग्रसवाडी, पावडे हादगाव, वाकी, पिंपरुळा, बरसाले डीग्रस आणि शिराळा येथील सुमारे 400 महिलांनी मंठा देवीचे दर्शन घेतले. गेल्या सात वर्षांपासून या उपक्रमाच्या माध्यमातून ग्रामीण भागातील महिलांना देवीच्या दर्शनाची संधी उपलब्ध करून दिली जात आहे. दर्शनानंतर महिलांना प्रसादरूपाने फराळाचे वाटप करण्यात येते. तसेच प्रत्येक महिलेला भेटवस्तू दिली जाते. धार्मिक श्रद्धा जपण्यासोबतच महिलांना सामूहिकरीत्या सहभागी करून घेणे, सामाजिक सलोखा वाढविणे आणि सांस्कृतिक परंपरांचे जतन करणे हा या…

Read More

परभणी ,(प्रतिनिधी) : तथागत भगवान गौतम बुद्धांच्या मानवतावादी विचारांचा प्रसार आणि बौद्ध धम्माच्या प्रचार-प्रसाराला चालना देण्याच्या उद्देशाने आश्रय सेवाभावी संस्था व गगन मलिक फाउंडेशन यांच्या संयुक्त विद्यमाने रविवार 18 ऑक्टोंबर रोजी आयोजित धम्मसोहळ्याच्या सभामंडपाचे भूमिपूजन शुक्रवार 16 ऑक्टोबर रोजी करण्यात आले. मांडाखळी-उमरी परिसरातील नियोजित बुद्ध विहाराच्या दहा एकर जागेत हा कार्यक्रम पार पडला. आश्रय सेवाभावी संस्थेचे अध्यक्ष तथा महाउपासक डॉ. सिद्धार्थ हत्तीअंबिरे यांच्या पुढाकारातून या परिसरात भव्य सुवर्ण बुद्ध विहार उभारण्याचे काम सुरू आहे. बुद्धांचे करुणा, मैत्री, समता आणि बंधुतेचे विचार जनसामान्यांपर्यंत पोहोचविण्यासाठी येथे विविध धार्मिक व धम्मविषयक उपक्रम राबविण्यात येत आहेत. याच उपक्रमाचा भाग म्हणून सभामंडपाचे भूमिपूजन पूज्य भंते…

Read More

परभणी, ( प्रतिनिधी): यंदा पर्जन्यमान कमी झाल्यामुळे महाराष्ट्रातील दुष्काळी परिस्थितीवर मात करण्यासाठी प्राचीन जलस्रोत असलेल्या बारवांचे पुनरुज्जीवन महत्त्वपूर्ण ठरू शकते. आपल्या पूर्वजांनी निर्माण केलेल्या या जलसंवर्धनाच्या अनमोल वारशाचे जतन आणि संवर्धन करण्याची गरज असून, बारवांकडे केवळ ऐतिहासिक वास्तू म्हणून नव्हे, तर पाण्याचे महत्त्वपूर्ण स्रोत म्हणून पाहिले पाहिजेत. त्यामुळे बारवा या इतिहासासोबतच जलसमृद्धीचा अमूल्य ठेवा असल्याचे प्रतिपादन बारव अभ्यासक रोहन काळे यांनी केले. परभणी येथे आज जिल्हा नियोजन समिती सभागृहात दोन दिवशीय आयोजित वारसादूतांच्या कार्यशाळेत ते बोलत होते. या कार्यशाळेचे उद्घाटन निवासी उपजिल्हाधिकारी अनुराधा ढालकरी यांच्या हस्ते दीपप्रज्वलनाने झाले. यावेळी बारव अभ्यासक रोहन काळे, जिल्हा पुरवठा अधिकारी विलास मुसळे, नायब तहसीलदार…

Read More

स्वर संगम कलावंत संघटनेचे जिल्हाधिकाऱ्यांना निवेदन; कार्यक्रम बंद पडल्याने कलावंतांवर उपासमारीचे संकट परभणी( प्रतिनिधी) यंदा पावसाअभावी दुष्काळसदृश परिस्थिती निर्माण झाल्याने ग्रामीण भागातील जनजीवन विस्कळीत झाले आहे. या परिस्थितीचा फटका पारंपरिक कला आणि सांस्कृतिक कार्यक्रमांवर अवलंबून असलेल्या कलावंतांनाही बसला आहे. कार्यक्रम बंद पडल्याने कलावंतांच्या हाताला काम मिळेनासे झाले असून, त्यांच्या कुटुंबांच्या उदरनिर्वाहाचा प्रश्न गंभीर बनला आहे. या पार्श्वभूमीवर प्रत्येक कलावंताला शासनाकडून ५० हजार रुपये आर्थिक मदत देण्यात यावी, अशी मागणी स्वर संगम कलावंत संघटनेचे संस्थापक अध्यक्ष तथा भीमशाहीर, संगीतकार विजय शंकर वाघमारे यांनी जिल्हाधिकाऱ्यांकडे निवेदनाद्वारे केली आहे. निवेदनात नमूद केल्यानुसार, स्वर संगम कलावंत संघटना महाराष्ट्रभरातील विविध जाती-धर्मांतील कलावंतांसाठी कार्यरत आहे. संघटनेच्या…

Read More

परभणी,(प्रतिनिधी) : जिल्ह्यातील दुष्काळग्रस्त शेतकर्‍यांना हेक्टरी 50 हजार रुपयांची आर्थिक मदत दिवाळीपूर्वी देण्यात यावी, यासह विविध मागण्यांसाठी परभणी तालुका काँग्रेस कमिटीच्या वतीने 15 ऑक्टोबर रोजी जिल्हाधिकारी कार्यालयासमोर धरणे आंदोलन करण्यात आले. मतदान प्रक्रियेत कथित अनियमितता झाल्याचा आरोप करत मुख्य निवडणूक आयुक्तांनी तातडीने राजीनामा द्यावा, अशी मागणीही आंदोलकांनी केली. यावेळी सरकारविरोधात घोषणाबाजी करण्यात आली. या आंदोलनात परभणी तालुका काँग्रेसचे अध्यक्ष शेख सलमान शेख युनुस, आशिष हरकळ, जितेंद्र देशमुख, शेख नासेर, गुलमीर खान, अमोल जाधव, सुनील बाबा देशमुख, इम्रान हुसेनी, ज्ञानेश्‍वर वाघमारे, शेषराव देंडगे, प्रसाद डुकरे, बालासाहेब सामाले, शेख मुजमील, सय्यद मेराज, अरुण गव्हाणे, करण कांबळे, दीपक पवार, अशोक पवार, विष्णू गायकवाड,…

Read More

जिंतूर (प्रतिनिधी) येथील ज्ञानोपासक महाविद्यालयातील राष्ट्रीय सेवा योजनेचे कार्यक्रमाधिकारी तथा सांस्कृतिक विभागप्रमुख प्रा. डॉ. पंढरीनाथ धोंडगे यांची स्वामी रामानंद तीर्थ मराठवाडा विद्यापीठाच्या युवक महोत्सवाच्या संयोजन समितीवर सदस्य म्हणून निवड झाली आहे. सदर निवड कुलगुरू डॉ. मनोहर चासकर यांनी केली आहे. परभणी, हिंगोली, नांदेड आणि लातूर या चार जिल्ह्यासांठीचा ‘आंतरमहाविद्यालयीन युवक महोत्सव ज्ञानतीर्थ-२०२६’ हा नांदेड येथील सायन्स काॕलेजमध्ये १६ ते १९ आॕक्टोबर २०२६ या कालावधीत संपन्न होत आहे. महोत्सवाच्या यशस्वी आयोजनासाठी विद्यापीठाच्या विद्यार्थी कल्याण विभागाने कुलगुरूंच्या मार्गदर्शनाखाली संयोजन समिती नेमली आहे. या संयोजन समितीवर प्रा. पंढरीनाथ धोंडगे यांची सदस्य म्हणून निवड झाली आहे. या निवडीबद्दल ज्ञानोपासक शिक्षण मंडळाचे अध्यक्ष माजीमंत्री ॲड.…

Read More

परभणी,(प्रतिनिधी) : महाराष्ट्र राज्य परीक्षा परिषद, पुणे यांच्या वतीने जुलै 2026 मध्ये घेण्यात आलेल्या शासकीय टंकलेखन प्रमाणपत्र संगणक परीक्षेच्या निकालात राखीव ठेवण्यात आलेल्या राज्यातील 11 परीक्षा केंद्रांवरील उमेदवारांची टंकलेखन कौशल्य पडताळणी परीक्षा 16 ते 19 ऑक्टोबरदरम्यान होणार आहे. यामध्ये परभणी जिल्ह्यातील पाच परीक्षा केंद्रांचा समावेश असून, 40 गुणांची गती उतारा टायपिंग चाचणी घेतली जाणार असल्याची माहिती माध्यमिक शिक्षणाधिकारी सविता बिरगे यांनी दिली. जुलै 2026 मध्ये झालेल्या परीक्षेचा निकाल 11 सप्टेंबर रोजी जाहीर करण्यात आला होता. मात्र, परीक्षेदरम्यान काही गंभीर त्रुटी आढळल्याने राज्यातील 11 केंद्रांवरील उमेदवारांचे निकाल राखीव ठेवण्यात आले होते. संबंधित उमेदवारांच्या टंकलेखन कौशल्याची पडताळणी करून परीक्षेतील पारदर्शकता राखणे आणि…

Read More

तक्रार नोंदवण्यासाठी टोल फ्री क्र. १८०० २२२ ३६५* परभणी,(प्रतिनिधी)  “सुरक्षित अन्न- निरोगी महाराष्ट्र”चे उद्दिष्ट डोळ्यठेऊन अन्न व औषध प्रशासनाचे आयुक्त तुकाराम मुंढे यांनी राज्यातील सर्व खाद्य व्यवसाय चालकांसाठी व्यापक अन्न सुरक्षा अनुपालन आदेश काढले आहेत. या आदेशानुसार सर्व खाद्य व्यवसायांनी अन्न सुरक्षा व मानके अधिनियम, २००६ अंतर्गत निर्धारित नियमांचे काटेकोर पालन करणे बंधनकारक आहे आणि नियमांचे उल्लंघन करणाऱ्या आस्थापनांविरुद्ध अन्न सुरक्षा व मानके अधिनियम, २००६ अंतर्गत दंडात्मक कारवाई, परवाना निलंबन अथवा रद्द करण्याची कार्यवाही करण्यात येते. दि. १३ ऑक्टोंबर रोजी विशेष मोहिमे अंतर्गत मे. जुबिलंट फूडवर्क्स लिमिटेड (डॉमिनोज पिझ्झा), येलदरकर कॉलनी, वसमत रोड, परभणी या आस्थापनेची तपासणी करण्यात आली असता…

Read More

परभणी (प्रतिनिधी) गेल्या पाच दशकांत अनुभवला नसेल अशा भीषण दुष्काळाचे सावट महाराष्ट्रावर दाटले असताना, मुख्यमंत्री मा. श्री. देवेंद्रजी फडणवीस यांच्या नेतृत्वाखालील महाराष्ट्रातील महायुती सरकारने पाणी, पीक आणि चारा नियोजनाबरोबरच शेतकऱ्यांना दिलासा देणाऱ्या विविध उपाययोजना केल्या आहेत. राज्यातील ३०५ तालुके दुष्काळग्रस्त म्हणून जाहीर करण्यात आले असून, शेतकऱ्यांच्या खात्यात दिवाळीपूर्वी पाच हजार रुपयांचे अग्रिम अर्थसाहाय्य जमा करण्याचा निर्णय घेतल्याबद्दल भाजपा परभणी महानगर जिल्हाध्यक्ष श्री. शिवाजी भरोसे यांनी शेतकऱ्यांच्या वतीने फडणवीस सरकारचे अभिनंदन केले आहे. या महत्त्वपूर्ण निर्णयामुळे राज्यातील साडेतीन लाख कुटुंबांच्या कर्जमाफीचा मार्ग मोकळा होऊन बळीराजाला मोठा दिलासा मिळाला आहे, अशा शब्दांत श्री. शिवाजी भरोसे यांनी समाधान व्यक्त केले. दुष्काळाच्या गंभीर परिस्थितीत…

Read More

परभणी , (प्रतिनिधी)  : मतदार यादीच्या विशेष सखोल पुनरीक्षण (SIR) कामकाजात गंगाखेड विधानसभा मतदारसंघाने ९६.४२ टक्के काम पूर्ण करत महाराष्ट्रात प्रथम क्रमांक मिळविला आहे. जिल्हाधिकारी संजयसिंह चव्हाण यांच्या मार्गदर्शनाखाली उपविभागीय अधिकारी जीवराज डापकर, तहसीलदार माधवराव बोथीकर, कैलास वाघमारे, उषाकिरण श्रगारे यांच्यासह सर्व सहाय्यक मतदार नोंदणी अधिकारी, बीएलओ, पर्यवेक्षक, तलाठी, मंडळाधिकारी तसेच पोलीस पाटील, कोतवाल, ग्रामसेवक आणि कृषी सहाय्यक यांच्या समन्वित प्रयत्नांतून हे यश साध्य झाले आहे. सर्व अधिकारी व कर्मचाऱ्यांच्या सामूहिक प्रयत्नांमुळे गंगाखेड मतदारसंघाने राज्यात अव्वल स्थान मिळविले असून, उर्वरित कामकाजही पूर्ण करण्यासाठी यंत्रणा कार्यरत आहे. ***

Read More