परभणी (प्रतिनिधी) : परभणी तालुक्यातील सर्व शहर/ग्रामीण भागातील संजय गांधी निराधार योजना व श्रावणबाळ राज्य पुरस्कृत निवृत्ती वेतन योजना या योजनेतील केंद्र पुरस्कृत निवृत्ती वेतन योजनाच्या लाभार्थ्यांना 15 ऑगस्ट, 2026 पर्यंत आपले हयातीचे प्रमाणपत्र ऑनलाईन पध्दतीने सादर करावे असे आवाहन तहसिलदार डॉ. संदीप राजापुरे यांनी केले आहे. शासनाने केंद्र पुरस्कृत योजनेअंतर्गत लाभ घेणा-या लाभार्थ्यांचे डिजिटल लाईफ सर्टिफिकीट म्हणजे हयातीचे प्रमाणपत्र ऑनलाईन जनरेट केलेले प्रमाणपत्र या प्रक्रियेसाठी आधार रिड फेस व बेनिफिशरी सत्यापन ॲप हे अॅप डाउनलोड करुन आधार प्रमाणीकरणाच्या आधारे फेस ऑथेंटिफिकेशन करायचे आहे. हे प्रमाणपत्र भेट एनएसएपी पोर्टलवर अपडेट होणार आहे. लाभार्थी स्वतः मोबाईलवरुन तसेच महा-ई-सेवा केंद्र, ग्राम महसूल…
Author: Lok Sanchar
परभणी, (प्रतिनिधी): मोची कॉलनी, परभणी येथील जयराम बन्सीलाल कुरील यांची मुलगी सुहानी जयराम कुरील (वय 21 वर्ष, मोची गल्ली परभणी) ही दि. 23 जुलै, 2026 रोजी रात्री 03.00 वाजता कोणास काही न सांगता घरातून निघून गेली असून नंतर घरी परत आली नाही. याप्रकरणी नानलपेठ पोलिस ठाण्यात तक्रार दाखल करण्यात आली आहे. या सदरील तरूणीचा रंग गोरा, चेहरा गोल लांबट, उंची 5 फुट, बांधा सडपातळ, अंगात ग्रे कलरचा टॉप व ग्रे कलरची पॅन्ट, डोळे काळे, व भाषा मराठी अवगत आहे. बेपत्ता झालेली तरुणी कुणाला आढळून आल्यास तपासीक पोलीस निरीक्षक गणेश कदम (मो. ९४२३९१०९०२) फोन क्र. (02452-220450) नानलपेठ पोलिस ठाणे, परभणी यांच्याशी…
परभणी (प्रतिनिधी) परभणी येथील आर.पी. हॉस्पिटल अँड रिसर्च इन्स्टिट्यूटने रुग्णसेवेच्या उद्देशाने आणि रुग्णांची गैरसोयी टाळण्यासाठी शहरातील उघडा महादेव परिसरातील रचना नगर येथून मोफत बस सेवेचा शुभारंभ आमदार डॉ. राहुल पाटील यांच्या हस्ते सोमवार, दि. २७ जुलै रोजी करण्यात आला. यापूर्वी परभणी बसस्थानक ते आर.पी. हॉस्पिटल अशी रूग्ण आणि नातेवाइकांसाठी मोफत बस सेवा सुरू आहे. नव्याने सुरू करण्यात आलेली मोफत बस उघडा महादेव परिसरातील रचना नगर येथून सकाळी १० वाजता निघणार आहे. त्यानंतर उघडा महादेव मंदिर १०.१५, देशमुख हॉटेल १०.३०, हडको कॉर्नर १०.४५, सारनाथ कॉलनी पाटी ११.००, खंडोबा बाजार ११.१५, अपना कॉर्नर ११.३०, पारदेश्वर मंदिर ११.४५ या मार्गे ही बस आर.…
जिल्हाधिकारी कार्यालयात कारगिल विजय दिनानिमित्त वीरांच्या शौर्याला अभिवादन; शहीद कुटुंबीयांचा सन्मान परभणी,(प्रतिनिधी) : जिल्हा सैनिक कल्याण कार्यालय, परभणी यांच्या वतीने जिल्हाधिकारी कार्यालयात 27 वा कारगिल विजय दिवस कृतज्ञतापूर्वक साजरा करण्यात आला. यावेळी कारगिल युद्धातील शहीद जवानांना अभिवादन करून त्यांच्या कुटुंबीयांचा सन्मान करण्यात आला. कार्यक्रमास जिल्हाधिकारी संजयसिंह चव्हाण, निवासी उपजिल्हाधिकारी तथा जिल्हा सैनिक कल्याण अधिकारी अनुराधा ढालकरी यांच्यासह शहीद जवानांचे कुटुंबीय, माजी सैनिक तसेच जिल्हा सैनिक कल्याण कार्यालयाचे कर्मचारी उपस्थित होते. कार्यक्रमाच्या प्रारंभी जिल्हाधिकारी, निवासी उपजिल्हाधिकारी आणि शहीद जवान यांच्या कुटुंबीयांच्या हस्ते दीपप्रज्वलन करून शहीद जवानांना पुष्पांजली अर्पण करण्यात आली. त्यानंतर उपस्थित सर्व शहीद कुटुंबीयांचा श्रीफळ व पुष्पगुच्छ देऊन सन्मान करण्यात…
परभणी,(प्रतिनिधी) : राष्ट्रभक्ती ही केवळ घोषणांमध्ये नसून ती आपल्या शिस्तबद्ध आचरणात, जबाबदारीत आणि कर्तव्यपालनात दिसली पाहिजे, असे प्रतिपादन जिल्हा पोलीस अधीक्षक पंकज कुमावत यांनी केले. नूतन विद्या समिती संचलित मराठवाडा हायस्कूलच्या शिवाजीनगर शाखेत सोमवार 27 जूलै रोजी कारगिल विजय दिन राष्ट्रभक्तीपूर्ण वातावरणात साजरा करण्यात आला. याच वेळी विद्यार्थी संसदेचे उद्घाटन व शपथविधी सोहळा उत्साहात पार पडला. कारगिल युद्धातील शहीद जवानांना अभिवादन करण्यात आले. यावेळी आयोजित कार्यक्रमाप्रसंगी ते बोलत होते. कार्यक्रमाच्या अध्यक्षस्थानी संस्थेचे अध्यक्ष विजयराव जोशी होते. प्रमुख पाहुणे व्यासपीठावर संस्थेचे उपाध्यक्ष अनिल अष्टूरकर, सहसचिव तथा मुख्याध्यापक-प्राचार्य अनंत पांडे, कोषाध्यक्ष श्रीनिवास मुंदडा, संचालक व्यंकटेश तोरंबेकर, पर्यवेक्षक सूर्यकांत पाटील, सहाय्यक पर्यवेक्षक सुनील…
सेलू,(प्रतिनिधी) शहरातील हुतात्मा स्मारक येथे संघर्ष दिव्यांग संघटनेच्या वतीने दिव्यांग बांधवांची विशेष बैठक उत्साहात पार पडली. या बैठकीत 35 दिव्यांग लाभार्थ्यांना रेल्वे प्रवासासाठी रेल्वे पासचे वितरण करण्यात आले. तसेच त्यांचे दिव्यांगजन रेल्वे ओळखपत्र (रेल्वे आयडी) तयार करून देण्यात आले. बैठकीदरम्यान ज्या दिव्यांगांची दिव्यांग सहाय्यक पोर्टलवर नोंदणी झाली नव्हती, त्यांची तत्काळ नोंदणी करण्यात आली. तसेच ज्यांचे यूडीआयडी (युनिक दिव्यांग ओळखपत्र) केवायसी अद्ययावत नव्हते, त्यांची माहिती अद्ययावत करण्यात आली. तात्पुरत्या दिव्यांग लाभार्थ्यांच्या खात्यात मानधन लवकर जमा व्हावे तसेच त्यांच्या विविध शासकीय योजनांशी संबंधित प्रलंबित प्रश्न मार्गी लागावेत, यासाठी संघर्ष दिव्यांग संघटना सातत्याने प्रयत्नशील राहील, असे प्रतिपादन संघटनेचे अध्यक्ष किशोर वैजनाथ साळवे यांनी…
परभणी, (प्रतिनिधी) स्वच्छ भारत मिशन (नागरी) अंतर्गत स्वच्छ सर्वेक्षण-2026 च्या अनुषंगाने पालकमंत्री मेघना साकोरे-बोर्डीकर यांनी महापालिका व जिल्ह्यातील सर्व नगरपरिषद व नगरपंचायतींना स्वच्छतेसंदर्भातील सर्व निकषांची काटेकोर अंमलबजावणी करण्याचे निर्देश दिले. शहरांमध्ये दृश्यमान स्वच्छता, घराघरातून शंभर टक्के कचरा संकलन, घनकचरा व्यवस्थापन, सार्वजनिक स्वच्छतागृहांची नियमित देखभाल, प्लास्टिक निर्मूलन, जनजागृती, नागरिकांचा सहभाग आणि दैनंदिन प्रगतीचा आढावा या बाबींवर विशेष भर देत प्रत्येक स्थानिक स्वराज्य संस्थेने नियोजनबद्ध व परिणामकारक कार्यवाही करावी, असे त्यांनी स्पष्ट केले. स्वच्छ सर्वेक्षण-2026 मध्ये परभणी जिल्ह्याला उत्कृष्ट स्थान मिळवून देण्यासाठी महापालिका व सर्व नगरपरिषद, नगरपंचायती, अधिकारी, कर्मचारी आणि नागरिकांनी एकत्रितपणे सहभाग नोंदवून स्वच्छतेच्या सर्व सूचनांची काटेकोर अंमलबजावणी करावी, असे आवाहन…
परभणी,(प्रतिनिधी) : विश्व हिंदू परिषद, परभणी यांच्या वतीने गेल्या 48 वर्षांपासून अखंडपणे आयोजित करण्यात येणार्या पारंपरिक भव्य गोपाळ दिंडीला यंदाही विद्यार्थी, शिक्षक, पालक आणि नागरिकांचा उत्स्फूर्त प्रतिसाद लाभला. नूतन विद्या समिती संचलित मराठवाडा हायस्कूलसह शहरातील विविध शाळांतील हजारो विद्यार्थ्यांनी या दिंडीत सहभाग नोंदवत भक्ती, संस्कार आणि राष्ट्रभक्तीचा अनोखा संदेश दिला. यंदाच्या गोपाळ दिंडीच्या पूजेचा मान माळी गल्ली येथील विठ्ठल-रुक्मिणी मंदिराचे भाविक तथा प्रसिद्ध स्त्रीरोगतज्ज्ञ डॉ. राजू सुरवसे व सौ. स्मिता सुरवसे यांना मिळाला. या ठिकाणाहूनच टाळ-मृदंगाच्या गजरात दिंडीला प्रारंभ झाला. अरविंदो अक्षर ज्योती विद्यालयाच्या लेझीम पथकाने केलेले आकर्षक सादरीकरण आणि वारकरी वेशभूषेतील बालगोपाळांनी साकारलेली भक्तिमय दिंडी सर्वांचे लक्ष वेधून घेत…
गंगाखेड ( प्रतिनिधी) राज्य राखीव पोलीस बलाच्या छत्रपती संभाजीनगर येथे कार्यरत गंगाखेड येथील जावनाचा पंढरपूर येथे यात्रा बंदोबस्तादरम्यान मृत्यु झाल्याची घटना शनिवार २५ जुलै रोजीच्या पहाटे उघडकीस आली आहे. या जावनाने स्वतः गोळी झाडून घेऊन आत्महत्या केल्याच्या चर्चेने मात्र खळबळ उडाली आहे. याबाबत समजलेली अधिक माहिती अशी गंगाखेड शहरातील इंदिरा नगर येथील रहिवासी असलेला रामेश्वर ध्रुपद साबणे हा तरुण छत्रपती संभाजीनगर येथे राज्य राखीव पोलीस बलाच्या तुकडीत तैनात होता. आषाढी एकादशीच्या सोहळ्यात पंढरपूर येथे बंदोबस्तासाठी असतांना शुक्रवार २४ जुलै रोजीच्या मध्यरात्रीनंतर शनिवार २५ जुलै रोजीच्या पहाटेच्या सुमारास रामेश्वर ध्रुपद साबणे अंदाजे वय २८ वर्ष रा. इंदिरा नगर गंगाखेड याचा मृत्यु…
गंगाखेड (प्रतिनिधी) पत्रकार व त्यांच्या कुटुंबीयांचे आरोग्य व पाल्यांच्या शैक्षणिक बाबीसाठी आपण सदैव तत्पर असल्याचे अभिवचन डॉक्टर असोशिएशन व लॉयन्स क्लब गंगाखेड टाऊनचे अध्यक्ष लॉ. डॉ. के.पी. गारोळे यांनी शनिवार २५ जुलै रोजी व्हॉईस ऑफ मीडिया पत्रकार संघाच्या वतीने आयोजीत कार्यक्रमात बोलतांना दिले. गंगाखेड शहरातील प्रसिद्ध सर्जन तथा डॉक्टर असोसिएशनचे अध्यक्ष डॉ. के.पी. गारोळे यांची लॉयन्स क्लब गंगाखेड टाऊनच्या अध्यक्ष पदी निवड झाल्याबद्दल व्हॉईस ऑफ मीडिया गंगाखेड शाखेच्या वतीने आषाढी एकादशीचे औचित्य साधून शनिवार २५ जुलै रोजी विठ्ठल रखुमाईची मूर्ती देऊन सत्कार करण्यात आला. यावेळी बोलतांना लॉ. डॉ. के.पी. गारोळे म्हणाले की व्हॉईस ऑफ मीडिया पत्रकार संघातील पत्रकार व त्यांच्या…