सेलू,(प्रतिनिधी) : सेलू येथील तालुका क्रीडा संकुलात 26 व 27 सप्टेंबर रोजी झालेल्या 33 व्या मुलांच्या आणि 26 व्या मुलींच्या राज्यस्तरीय सबज्युनिअर आट्यापाट्या स्पर्धेत मुलांच्या गटात बुलढाणा संघाने प्रथम, तर परभणी संघाने द्वितीय क्रमांक पटकावला. जळगाव व अमरावती संघ संयुक्तपणे तृतीय ठरले. मुलींच्या गटात अमरावती संघाने प्रथम, परभणीने द्वितीय, तर जळगाव व धाराशिव संघांनी संयुक्तपणे तृतीय क्रमांक मिळविला. नूतन विद्यालय शिक्षण संस्था, परभणी जिल्हा आट्यापाट्या असोसिएशन, कावलगाव (ता. पूर्णा) आणि महाराष्ट्र आट्यापाट्या महामंडळ, नागपूर यांच्या संयुक्त विद्यमाने श्रीरामजी भांगडिया यांच्या शतकोत्तर रजतजयंतीनिमित्त या स्पर्धेचे आयोजन करण्यात आले होते. राज्यातील 16 जिल्ह्यांमधून 250 मुले आणि 250 मुली असे एकूण 500 खेळाडू…
Author: Lok Sanchar
परभणी,(प्रतिनिधी) : संपूर्ण मराठवाड्यात निर्माण झालेल्या दुष्काळी परिस्थितीच्या पार्श्वभूमीवर राज्य सरकारने काढलेल्या दुष्काळ व संबंधित सोयी-सुविधांबाबतच्या अध्यादेशाच्या प्रतीची शिवसेना उद्धव बाळासाहेब ठाकरे गटाच्या पदाधिकारी व कार्यकर्त्यांनी सोमवारी (दि.28) तहसील कार्यालयासमोर होळी केली. यावेळी जोरदार घोषणाबाजी करीत सरकारच्या धोरणांचा निषेध नोंदविण्यात आला. तहसील कार्यालयासमोर सकाळी झालेल्या या आंदोलनात शिवसेनेचे नेते डॉ. विवेक नावंदर, जिल्हाप्रमुख विष्णू मुरकुटे, जिल्हाप्रमुख रवींद्र धर्मे, शिवलिंग बोधने, सदाशिवराव देशमुख, अरविंद देशमुख, नवनीत पाचपोर, अनिल डहाळे, संभानाथ काळे, बाळासाहेब तळेकर यांच्यासह पदाधिकारी व कार्यकर्ते सहभागी झाले होते. यावेळी कार्यकर्त्यांनी सरकारविरोधात जोरदार घोषणाबाजी करीत अध्यादेशाच्या प्रती जाळल्या. मराठवाड्यातील दुष्काळी परिस्थितीत शेतकरी आणि ग्रामीण भागाला आवश्यक मदत व सुविधा मिळाव्यात,…
परभणी (प्रतिनिधी) येथील भारतीय आयुर्विमा महामंडळातील विकास अधिकारी रमेश जाधवर यांचे सोमवारी दुपारी हृदयविकाराच्या तीव्र झटक्याने निधन झाले. मृत्यूसमयी ते 58 वर्षांचे होते. त्यांच्या पश्चात पत्नी, एक मुलगा, दोन मुली,जावई असा मोठा परिवार आहे. अत्यंत शांत, मितभाषी व उत्तम संघटक असणारे जाधव हे एक लोकप्रिय विकास अधिकारी म्हणून कार्यरत होते, लायन्स क्लब अनेक सामाजिक संघटनांशी ते संलग्न होते. दरम्यान जाधवर यांच्या पार्थिवावर उद्या मंगळवार रोजी सकाळी नऊ वाजता जिंतूर रस्त्यावरील वैकुंठ धाम स्मशानभूमीत अंत्यसंस्कार करण्यात येणार आहे.
परभणी,(प्रतिनिधी) : मुख्य निवडणूक आयुक्त ज्ञानेश कुमार यांच्या कार्यपद्धतीवर प्रश्न उपस्थित करीत त्यांच्या राजीनाम्याची मागणी तसेच निवडणूक प्रक्रियेतील निर्णयांची निष्पक्ष चौकशी करण्याच्या मागणीसाठी परभणीत काँग्रेसच्या वतीने सोमवारी (दि.28) आंदोलन करण्यात आले. निवडणूक प्रक्रियेच्या पारदर्शकतेबाबत उपस्थित करण्यात आलेल्या प्रश्नांची सखोल चौकशी करून जबाबदारी निश्चित करावी, अशी मागणी यावेळी करण्यात आली. आंदोलनकर्त्यांनी सांगितले की, ज्ञानेश कुमार यांचा राजीनामा हीच अंतिम मागणी नसून, त्यांच्या कार्यकाळात निवडणूक प्रक्रियेत घेण्यात आलेल्या निर्णयांची, त्यातून कोणाला राजकीय फायदा झाला यासह संबंधित सर्व बाबींची निष्पक्ष चौकशी होणे आवश्यक आहे. चौकशीअंती वस्तुस्थिती जनतेसमोर मांडण्यात यावी, अशी मागणीही करण्यात आली. निवडणूक प्रक्रियेबाबत सत्ताधारी पक्षाकडून निवडणूक आयोगाच्या समर्थनार्थ भूमिका घेतली जात…
परभणी, (प्रतिनिधी) शिवसेना नेते तथा युवासेना प्रमुख माजी मंत्री आदित्य ठाकरे यांनी रविवार, दि. २७ सप्टेंबर रोजी टाकळी कुंभकर्ण शिवारात(ता. परभणी) सकाळी १० वाजता खरीप पिकांची पाहणी केली, अन् अडचणीत सापडलेल्या शेतकऱ्यांबरोबर हितगुज केले. परभणीसह मराठवाड्यात भीषण दुष्काळ पडला आहे.खरीप हंगामातील पिके नष्ट झाली आहेत. जनावरांच्या चारा पाण्याचा देखील प्रश्न गंभीर झाला आहे,या पार्श्वभूमीवर शिवसेना नेते ठाकरे हे रविवारी सकाळी मराठवाड्याच्या पाहणी दौऱ्यावर दाखल झाले. रविवारी सकाळी दहा वाजता परभणी तालुक्यातील टाकळी कुंभकर्ण शिवारात पिक पाहणी केली.पाहणी करून शेतकऱ्यांशी संवाद साधला.. या दौऱ्यात शिवसेना नेते तथा मराठवाडा संपर्क नेते आमदार अंबादास दानवे, परभणी लोकसभा संपर्कप्रमुख प्रदीप कुमार खोपडे,स्थानिक आमदार डॉ.…
कृषी आयुक्तांच्या अहवालानंतर ‘ट्रिगर 1’ (पहिली कळ) लागू; बाधित भागातील पिकांचे तातडीने पंचनामे करण्याचे निर्देश परभणी, (प्रतिनिधी) : खरीप हंगामातील पर्जन्यमानातील तूट आणि पिकांच्या परिस्थितीची गंभीर दखल घेत राज्य शासनाने राज्यातील २६५ तालुक्यांमध्ये दुष्काळसदृश परिस्थिती (ट्रिगर -1 अर्थात पहिली कळ) लागू करण्याचा निर्णय घेतला आहे. कृषी आयुक्तांनी सादर केलेल्या अहवालाच्या आधारे दुष्काळ व्यवस्थापन संहिता-२०१६ नुसार हा निर्णय घेण्यात आल्याची माहिती मदत व पुनर्वसन मंत्री मकरंद जाधव पाटील यांनी दिली. दुष्काळी तालुक्यांमध्ये परभणी जिल्ह्यातील सर्व नऊ तालुक्यांचा (पूर्णा, पालम, परभणी, सोनपेठ, जिंतूर, गंगाखेड, सेलू, मानवत, पाथरी) समावेश झाल्याने संकटग्रस्त शेतकऱ्यांना शासनाच्या मदतीचा आधार मिळणार असून, दुष्काळसदृश परिस्थितीत शेतकऱ्यांना मोठा दिलासा मिळाला…
जिंतूर (प्रतिनिधी) तालुक्यातील कौसडी ग्रामपंचायतीच्या विविध विकासकामांतील कथित भ्रष्टाचाराची चौकशी करून दोषींवर कारवाई करण्याच्या मागणीसाठी ग्रामस्थ व युवकांनी शनिवारी (२६ सप्टेंबर) पाण्याच्या टाकीवर चढून आंदोलन केले. सकाळी १० वाजता सुरू झालेले हे आंदोलन सायंकाळी साडेपाच वाजता लेखी आश्वासनानंतर मागे घेण्यात आले. ग्रामस्थांनी दिलेल्या निवेदनानुसार, पंधरावा वित्त आयोग, मनरेगा तसेच विविध योजनांमधील विकासकामांमध्ये गैरप्रकार झाल्याचा आरोप करण्यात आला आहे. या प्रकरणी यापूर्वी संबंधित प्रशासनाकडे वारंवार तक्रारी करूनही अपेक्षित कारवाई होत नसल्याने आंदोलनाचा इशारा देण्यात आला होता. या पार्श्वभूमीवर मुजाहेद कादरी, प्रभाकर इखे , अन्वर पटेल यांच्यासह अनेक युवक पाण्याच्या टाकीवर चढले. आंदोलनस्थळी शेकडो ग्रामस्थ जमा झाले. यावेळी ग्रामपंचायत प्रशासनाच्या कारभाराविरोधात तसेच…
परभणी (प्रतिनिधी) शिवसेना महिला आघाडीने गौरी सणानिमित्त घेतलेल्या महालक्ष्मी सजावट स्पर्धेत आशा लुबाळे यांच्या महिला सक्षमीकरणावर आधारीत देखाव्याला प्रथम क्रमांकाचे पारितोषिक मिळाले. शिवसेना महिला आघाडी जिल्हाप्रमुख अंबिका डहाळे यांच्या वतीने ही स्पर्धा पार पडली. या स्पर्धेचे पारितोषिक वितरण आ.डॉ.राहुल पाटील यांच्या हस्ते करण्यात आले. दरवर्षीप्रमाणे यंदाही शिवसेनेच्या वतीने शहरात महालक्ष्मी सजावट स्पर्धा घेण्यात आली. या स्पर्धेत द्वितीय पारितोषिक शितल रोडे यांच्या केदारनाथ देखाव्याला, तर तृतीय पारितोषिक उर्मिला शहाणे यांच्या जगन्नाथ पुरी रथयात्रा देखाव्याला देण्यात आले. पल्लवी देशमुख, प्रियंका देवतरासे, कविता काळे, पल्लवी कुलकर्णी, संगीता नाईकवाडे यांना उत्तेजनार्थ पारितोषिक देण्यात आली. छत्रपती शिवाजी महाराज चौक येथील श्री जय हिंद गणेश मंडळ…
परभणी, (प्रतिनिधि) शिवसेना नेते तथा युवासेना प्रमुख माजी मंत्री आदित्य ठाकरे हे रविवार, दि. २७ सप्टेंबर रोजी टाकळी कुंभकर्ण, ता. परभणी येथे सकाळी १० वाजता दुष्काळग्रस्त भागाची पाहणी करण्यासाठी येणार आहेत. परभणी सह संपूर्ण मराठवाड्यात भीषण दुष्काळ पडला आहे.खरीप हंगामातील पिके नष्ट झाली आहेत. जनावरांच्या चारा पाण्याचा देखील प्रश्न गंभीर झाला आहे या पार्श्वभूमीवर शिवसेना नेते आदित्य ठाकरे हे मराठवाड्याच्या पाहणी दौऱ्यावर येत आहेत रविवारी सकाळी दहा वाजता परभणी तालुक्यातील टाकळी कुंभकर्ण शिवारात आदित्य ठाकरे हे पाहणी करून शेतकऱ्यांशी संवाद साधणार आहेत. या दौऱ्यात शिवसेना नेते तथा मराठवाडा संपर्क नेते आमदार अंबादास दानवे उपस्थित राहणार आहेत. आदित्य ठाकरे हे टाकळी…
शेतकऱ्यांच्या व्यथा जाणून घेण्यासाठी उपमुख्यमंत्री शेतकऱ्यांच्या बांधावर; पिकांची केली पाहणी; शेतकऱ्यांना दिला धीर परभणी, (प्रतिनिधी) : पावसाने ओढ दिल्याने जिल्ह्यातील शेतकरी संकटात सापडला आहे. उभ्या पिकांचे नुकसान होत असताना त्यांच्या पाठीशी शासन खंबीरपणे उभे आहे. संकटाच्या काळात शेतकऱ्यांना वाऱ्यावर सोडले जाणार नाही. झालेल्या नुकसानाची योग्य ती दखल घेऊन, सर्वतोपरी मदत देण्यासाठी शासन कटिबद्ध आहे, अशी ग्वाही उपमुख्यमंत्री सुनेत्रा अजित पवार यांनी आज दिली. उपमुख्यमंत्री श्रीमती पवार यांनी आज परभणी जिल्ह्यातील मरडसगाव (ता. गंगाखेड), दैठणा (ता. परभणी) व पाथरी येथील शेतक-यांच्या शेतात प्रत्यक्ष पिकांची पाहणी केली. त्यांनी शेतकऱ्यांशी आस्थेने संवाद साधला आणि ‘हिम्मत खचू देऊ नका, संकटाच्या या काळात शासन तुमच्या…

