परभणी ( प्रतिनिधी) वाढदिवस म्हटलं की राजकीय नेत्यांच्या शुभेच्छांचे बॅनर, होर्डिंग्ज, जाहिराती आणि विविध कार्यक्रमांवर मोठ्या प्रमाणात खर्च केला जातो. मात्र, या पारंपरिक पद्धतीला छेद देत आ.डॉ.राहुल पाटील यांनी आपल्या वाढदिवसानिमित्त सामाजिक बांधिलकी जपणारा अनोखा उपक्रम हाती घेतला आहे. दुष्काळग्रस्त भागातील शेतकरी, शेतमजुरांना मदतीचा हात देण्यासाठी कार्यकर्त्यांनी वाढदिवसाच्या शुभेच्छांचा खर्च सामाजिक कार्यासाठी वापरण्याचे आवाहन केले आहे. आ.डॉ.राहुल पाटील यांचा येत्या १४ ऑक्टोबर रोजी वाढदिवस आहे. परंतु, सध्या दुष्काळी परिस्थिती असल्याने त्यांनी वाढदिवस साधेपणाने साजरा करण्याचे ठरवले आहे. याबाबत त्यांनी कार्यकर्त्यांना आवाहन केले आहे की, दुष्काळग्रस्त बळीराजाच्या डोळ्यात पाणी असताना, वाढदिवसाचा उत्सव साजरा करण माझ्या मनाला पटत नाही, माझ्या वाढदिवसानिमित्त कुठेही…
Author: Lok Sanchar
परभणी,(प्रतिनिधी) : महाराष्ट्र नाभिक महामंडळ, परभणीच्या वतीने रयतेचे राजे छत्रपती शिवाजी महाराज यांचे अंगरक्षक वीर जिवाजी महाले यांच्या 391 व्या जयंतीनिमित्त विविध सामाजिक उपक्रमांचे आयोजन करण्यात आले. यावेळी शासकीय रुग्णालयात अभिवादन करण्यात आले, तर सावली वृद्धाश्रमात अन्नदानाचा कार्यक्रम घेण्यात आला. तसेच वीर जिवाजी महाले चौक येथे जयंतीनिमित्त कार्यक्रमाचे आयोजन करण्यात आले. महापालिकेचे माजी उपमहापौर तथा सदस्य भगवानराव वाघमारे यांच्या हस्ते अन्नदानाचे वाटप करण्यात आले. यावेळी महाराष्ट्र नाभिक महामंडळाचे जिल्हाध्यक्ष संपत सवणे, गणेश वाघमारे, संजय मुळे, संदीप सोळंके, सय्यद अजहर, रमेश देशमुख, जगन्नाथराव घोडके, गणेश गुंगे, संतोष जाधव, श्याम साखरे, राजकुमार सूर्यवंशी, संजय सोनवणे, आत्माराम राऊत, आत्माराम प्रधान, वसंत पारवे, केशव…
जिंतूर,(प्रतिनिधी) : जिंतूर शहरातील एका महाविद्यालयाच्या पाठीमागील परिसरात सुरू असलेल्या अवैध जुगार अड्ड्यावर पोलिसांनी धाड टाकून कारवाई केली. या कारवाईत पाच जणांना ताब्यात घेण्यात आले असून, दोघे जण फरार झाले आहेत. पोलिसांनी जुगारासाठी वापरण्यात येणारे साहित्य आणि रोख रक्कम असा एकूण 1 लाख 80 हजार रुपयांचा मुद्देमाल जप्त केला. महाविद्यालयाच्या पाठीमागील परिसरात जुगार सुरू असल्याची माहिती जिंतूर पोलिसांना मिळाली होती. त्यानुसार पोलिसांनी नियोजनबद्ध पद्धतीने छापा टाकला. पोलिसांची चाहूल लागताच काही जणांनी पळून जाण्याचा प्रयत्न केला. या कारवाईत पाच जणांना ताब्यात घेण्यात आले, तर दोघे जण फरार झाले. याप्रकरणी संबंधित कायद्यानुसार गुन्हा दाखल करण्यात आला आहे. पोलीस निरीक्षक नामदेव रेड्डी यांच्या…
परभणी,(प्रतिनिधी) : सध्या दुष्काळी परिस्थितीमुळे आर्थिक संकटात सापडलेल्या झरी परिसरातील शेतकर्यांच्या कर्जप्रश्नावर खा संजय जाधव यांनी झरी येथील भारतीय स्टेट बँकेच्या शाखेला भेट देऊन बँक प्रशासनाशी चर्चा केली. शेतकर्यांना कर्जासाठी वारंवार बँकेच्या फेर्या माराव्या लागू नयेत, उपलब्ध कागदपत्रांच्या आधारे कर्जप्रकरणे तातडीने निकाली काढावीत आणि कर्ज पुनर्गठनाची प्रक्रिया जलदगतीने पूर्ण करावी, अशी मागणी त्यांनी केली. दुष्काळी परिस्थितीमुळे शेतकरी आर्थिक अदंडचणीत सापडले असून, आगामी शेती हंगामासाठी त्यांना तातडीने आर्थिक मदतीची आवश्यकता आहे. अशा परिस्थितीत कर्जप्रक्रियेत अनावश्यक अडथळे निर्माण होऊ नयेत, याकडे खासदार जाधव यांनी बँक अधिकार्यांचे लक्ष वेधले. सातबारा उतार्यावर काही बोजा असल्यास त्याबाबत योग्य विचार करून पात्र शेतकर्यांना कर्ज उपलब्ध करून…
परभणी, (प्रतिनिधी) : भारत निवडणूक आयोगाच्या निर्देशानुसार महाराष्ट्र विधान परिषदेच्या ०५-औरंगाबाद विभाग पदवीधर मतदारसंघाच्या निवडणुकीच्या अनुषंगाने परभणी जिल्ह्यात नियुक्त करण्यात आलेल्या मतदान केंद्राध्यक्ष, मतदान अधिकारी-कर्मचारी तसेच क्षेत्रीय अधिकारी यांचे पहिले प्रशिक्षण आज, शुक्रवार, दिनांक ९ ऑक्टोबर २०२६ रोजी वसंतराव नाईक मराठवाडा कृषी विद्यापीठ, परभणी येथील सभागृहात संपन्न झाले. यावेळी जिल्हाधिकारी तथा ०५-औरंगाबाद विभाग पदवीधर मतदारसंघ निवडणुकीचे सहाय्यक निवडणूक निर्णय अधिकारी संजयसिंह चव्हाण यांनी निवडणूक प्रक्रियेतील विविध बारकाव्यांबाबत मार्गदर्शन केले. निवडणुकीदरम्यान प्रत्येक अधिकारी व कर्मचाऱ्याने आपली जबाबदारी दक्षतेने पार पाडावी, निवडणूक आयोगाच्या सूचनांचे काटेकोर पालन करावे आणि मतदान प्रक्रिया पारदर्शक, निष्पक्ष व सुरळीतपणे पार पाडण्यासाठी समन्वयाने काम करावे, असे त्यांनी सांगितले.…
परभणी (प्रतिनिधी) : परभणी जिल्हास्तरीय रग्बी क्रीडा स्पर्धेत वसंत अनु. जाती प्राथमिक व माध्यमिक आश्रम शाळा, कारेगाव, ता. जि. परभणी येथील 14 वर्षांखालील मुलांच्या संघाने प्रथम क्रमांक पटकावत दिमाखदार विजय मिळवला. या उल्लेखनीय यशामुळे शाळेच्या शिरपेचात मानाचा तुरा रोवला गेला असून, विजयी संघाची विभागीय स्पर्धेसाठी निवड झाली आहे. विद्यार्थ्यांनी उत्कृष्ट सांघिक खेळ, जिद्द, चिकाटी आणि क्रीडाकौशल्याच्या जोरावर प्रतिस्पर्धी संघांवर मात करत हे यश संपादन केले. विद्यार्थ्यांच्या या यशाबद्दल संस्थेचे अध्यक्ष वसंतरावजी धाडवे साहेब, संस्था सचिव प्रवीण भैय्या धाडवे, प्राथमिक मुख्याध्यापक परसराम जाधव आणि माध्यमिक मुख्याध्यापिका श्रीमती गीता लेडे यांनी विजयी संघाचे अभिनंदन केले. याप्रसंगी शिक्षक जी. ए. मुडे, एस. बी.…
परभणी,प्रतिनिधी) : बौद्ध धम्म परंपरेत अत्यंत पवित्र मानल्या जाणार्या वर्षावास पर्वानिमित्त उमरी-मांडाखळी येथे बुद्ध धम्माच्या वैश्विक विचारांचा जागर करण्यात येणार आहे. नियोजित बुद्ध विहाराच्या दहा एकर जागेत रविवार 18 ऑक्टोबर रोजी सकाळी 10 वाजता परित्राण पाठ, कठीण चीवरदान, धम्मदेशना आणि बुद्धमूर्ती वाटपाचा भव्य धम्म सोहळा आयोजित करण्यात आला आहे. या सोहळ्यास थायलंडच्या भिक्खू संघासह देश-विदेशातील विद्वान भिक्खू उपस्थित राहणार असल्याची माहिती आयोजक डॉ. सिद्धार्थ हत्तीअंबिरे यांनी दिली. आश्रय सेवाभावी संस्था आणि गगन मलिक फाउंडेशन यांच्या संयुक्त विद्यमाने या ऐतिहासिक धम्म सोहळ्याचे आयोजन करण्यात आले आहे. वर्षावासाच्या काळात भिक्खू संघ एका ठिकाणी राहून तथागत भगवान बुद्धांच्या धम्माचा सखोल अभ्यास, चिंतन व…
परभणी (प्रतिनिधी) आज आंदोलन करत नवी दिल्ली येथे ७ ऑक्टोबर रोजी INDIA आघाडीच्या खासदारांना अडवून कथित बळाचा वापर व लाठीचार्ज केल्याच्या निषेधार्थ काँग्रेसच्या वतीने ७ ऑक्टोबर हा ‘लोकशाहीचा काळा दिवस’ म्हणून पाळण्यात आला. या घटनेची स्वतंत्र व निष्पक्ष चौकशी करून दोषींवर कठोर कारवाई करावी, या मागणीचे निवेदन काँग्रेसच्या वतीने जिल्हाधिकाऱ्यांना देण्यात आले. काँग्रेस अध्यक्ष मल्लिकार्जुन खर्गे आणि लोकसभेतील विरोधी पक्षनेते राहुल गांधी यांच्या नेतृत्वाखाली INDIA आघाडीचे खासदार निवडणूक प्रक्रियेबाबत केंद्रीय निवडणूक आयोगाकडे पारदर्शकता व उत्तरदायित्वाची मागणी करण्यासाठी शांततापूर्ण मार्गाने जंतर-मंतरकडे जात असताना त्यांना अडविण्यात आले व बळाचा वापर करण्यात आल्याचा आरोप निवेदनातून करण्यात आला आहे. “लोकशाहीमध्ये सत्तेला प्रश्न विचारणे हा…
परभणी,(प्रतिनिधी) : यंदाच्या पावसाळ्यात पावसाचे मोठे खंड पडल्याने खरीप हंगामाला फटका बसला असतानाच आता ऑक्टोबरच्या सुरुवातीलाच तापमानाने 35 अंश सेल्सिअसचा टप्पा ओलांडला आहे. प्रशांत महासागरातील एल निनोच्या प्रभावामुळे पर्जन्यमानात घट झाल्याने शेतकर्यांचा खरीप हंगाम अडचणीत आला आहे. त्यामुळे आता रब्बी हंगामावर आर्थिक गणित अवलंबून असताना उपलब्ध पाणीसाठ्याची चिंता आणि वाढते तापमान यामुळे शेतकरी तसेच नागरिकांच्या चिंतेत भर पडली आहे. दरवर्षी साधारणतः 10 ऑक्टोबरपर्यंत मान्सूनची माघार पूर्ण होते. यंदा मात्र 3 ऑक्टोबरलाच मान्सूनने माघार घेतल्याने पावसाच्या शक्यता कमी झाल्या आहेत. त्यातच मागील काही दिवसांपासून परभणी जिल्ह्यात तापमानात सातत्याने वाढ होत आहे. वसंतराव नाईक मराठवाडा कृषी विद्यापीठाच्या हवामानशास्त्र विभागाच्या नोंदीनुसार, 30 सप्टेंबर…
जिंतूर,(प्रतिनिधी) : येथील बसस्थानक परिसरात कार उभी करून हातगाडीवरून फळे घेण्यासाठी गेलेल्या नागरिकाच्या कारच्या काचा फोडून अज्ञात चोरट्यांनी 70 हजार रुपयांची रोकड लंपास केली. बुधवारी (दि. 7) ही घटना उघडकीस आली. भरदुपारी काही मिनिटांतच चोरी झाल्याने परिसरात खळबळ उडाली आहे. कौसडी येथील दिलावर शरीफ बेग यांनी जिंतूर येथील एचडीएफसी बँकेतून 70 हजार रुपये रोख काढले होते. त्यानंतर ते कारने बोरीमार्गे कौसडीकडे जात होते. बोरी बसस्थानकाजवळ कार उभी करून अवघ्या काही अंतरावर असलेल्या हातगाडीवरून फळे घेण्यासाठी ते गेले. याच संधीचा फायदा घेत अज्ञात चोरट्याने कारची काच फोडून आतील 70 हजार रुपयांची रोकड लंपास केली. घटनेची माहिती मिळताच बोरी पोलिस ठाण्याचे सहायक…

